కొత్త కెప్టెన్ గా రేవంత్!
on Oct 8, 2022
ముప్పై మూడవ రోజు మరింత ఆసక్తితో మొదలైన బిగ్ బాస్ రోజుకో కొత్త టాస్క్ లతో అలరిస్తోంది. అయితే ఈ రోజు హౌస్ లో కొత్త కెప్టెన్ కోసం పోటీ రెండు లెవల్స్ లో కొనసాగింది. కాగా ఆదిత్య, సూర్య, రేవంత్ మొదటి లెవల్ లో గెలిచారు. ఆ తర్వాత కంటెస్టెంట్స్ తో రెండవ లెవల్ నియమాలు చెప్పాడు బిగ్ బాస్. "ఏ కంటెస్టెంట్ కెప్టెన్ అవ్వాలనుకుంటారో వారి మెడలో బంతిపూల మాల వేయాలి. ఎక్కువ బంతిపూల మాలలు ఎవరికి వస్తాయో, వారే ఈ వారం కెప్టెన్ అవుతారు" అని బిగ్ బాస్ వివరించాడు. కాగా ఈ టాస్క్ చాలా క్లిష్టంగా కొనసాగింది. అయితే చివరి వరకు ఉత్కంఠభరితంగా కొనసాగిన ఈ టాస్క్ లో రేవంత్ గెలిచి, హౌస్ లో కొత్త కెప్టెన్ గా ఎన్నికయ్యాడు.
రెండవ టాస్క్ ' హైయర్ తగ్గాఫర్'. ఇది ఎవరు బలమైన వాళ్ళో తేల్చే గేమ్. అయితే ఇందులో కంటెస్టెంట్స్ మధ్య గొడవలు జరిగాయి. ఆదిత్యకి, గీతుకి మధ్యలో గట్టిగా గొడవ జరిగింది. "నువ్వు డీగ్రేడ్ చేస్తున్నావ్, ప్రతీసారీ చూస్తున్నా, గొంతు లేపితే కాదు, దేనికైనా లిమిట్ ఉంటుంది" అని గీతుతో గొడవకు దిగాడు ఆదిత్య. గీతు మాత్రం నేను నిన్ను అలా అనలేదు అని సమాధానం చెప్పినా, ఆదిత్య కన్ఫిన్స్ కాలేకపోయాడు. తర్వాత ఆదిరెడ్డి జోక్యం చేసుకొని ఇద్దరిని కాంప్రమైజ్ చేసాడు.
హౌస్ లో ఎన్నికైన కొత్త కెప్టెన్ రేవంత్ కి కంటెస్టెంట్స్ అందరు చప్పట్లతో శుభాకాంక్షలు తెలిపారు. అయితే శుక్రవారం కెప్టెన్ ని ఎన్నుకొని, తర్వాత శుక్రవారం వరకు ఆ కెప్టెన్ కొనసాగుతాడు అనే
విషయం, ఈ షో చూసే అభిమనులకు తెలిసిన విషయమే. అయితే హౌస్ లో అగ్రెసివ్, హైపర్ ఆక్టివ్ అని పిలువబడే రేవంత్ కెప్టెన్ గా వచ్చే శుక్రవారం వరకు ఎలా బాధ్యతలు నిర్వర్తిస్తాడో చూడాలి మరి!
Also Read